ہرپریت سنگھ چنوں

سری مکتسر صاحب، پنجاب، انڈیا

'امبر کدے خالی نہیں ہندے' وچ، چنو پنجاب دے پینڈو کھیتر اتے خاص کرکے مالوا خطے دے اک ماہر کہانی کار وجوں اُبھر کے ساہمنے آؤندا ہے۔ اوہ اِتھوں دے کھیتاں، ویڑھیاں اتے دُھوڑ بھریاں گلیاں دا چترن اک کیمرہ مین دی باریک بینی نال کردا ہے؛ اس دی نظر توں کوئی ہاوبھاوَ، کوئی وستو جاں روشنی وچ آئی کوئی تبدیلی وی نہیں بچدی۔ اس درشٹی گت سٹیکتا دے نال نال ستھانک بولی اُتے وی اس دی پوری پکڑ ہے: اس دے پاتر اسے خطے دے لہجے وچ گلّ کردے ہن اتے اِس دے محاورے، ہاس وینگ تے خاموشیاں نوں صرف لکھتی روپ دین دی بجائے اک تجربیکار ناٹک کار وانگ صحیح سمیں اُتے ڈھنگ نال پیش کیتا گیا ہے۔

ایہہ اٹھ کہانیاں شہری کرن اتے کینیڈا ول وڈے پدھر اُتے ہو رہے پرواس دے دباء ہیٹھ پنجابی پنڈاں وچ آ رہی ہولی اتے اساویں تبدیلی نوں اُجاگر کردیاں ہن۔ چنو پیڑھیاں وچکار ودھدی جا رہی دوری اتے نوجواناں دی بے چینی اگے پرانی ووستھا دیاں قدراں قیمتاں دے کھرن نوں باخوبی درساؤندا ہے؛ نال ہی، اوہ جاتی گت پکھ پات نوں دکھاؤن توں وی گریز نہیں کردا، جو اس بدلاء دے باو جود ودھیرے سوکھم اتے لکویں روپاں وچ قائم ہے۔ اوہ نشیاں دی مہانماری ، جس وچ نشے دے عادی لوک اتے اس توں منافع کماؤن والے دوویں شامل ہن دا ساہمنا کرن وچ وی کوئی لحاظ نہیں ورتدا؛ اوہ اس نوں اک اجیہی چپ چپیتے کھورا لاؤن والی طاقت وجوں پیش کردا ہے جو اوہناں پنڈاں نوں اندروں کھوکھلا کر رہی ہے جیہناں نوں اوہ باقی سمیں اینےّ پیار نال چتردا ہے۔