(خالی کھوہاں دی کتھا (ناول

اوتار سنگھ بلنگ موجودہ پوچ دے اگھے لکھاریاں وچوں نیں۔ “خالی کھوہاں دی کتھا” اوہناں دا چھیواں ناول اے۔ بلنگ اپنے پڑھن والے نوں اپنے اعتماد وچ لیندے نیں تے سہج سبھا اپنی کہانی دیاں گتھیاں سلجھاوندے چلے جاوندے نیں۔ ایہہ ناٹک اک پنڈ تھاں وچ کھلنا شروع ہوندا اے جتھے دو بھیناں نال ویاہے دو بھراواں دے ٹبراں دا آپسی میل جول اے۔ وڈے بھرا چرن سنگھ دا پوترا پاشی آپنیاں گرمیاں دیاں چھٹیاں خشی خشی اپنے دور دراڈے دے نانکے پنڈ مناوندا اے۔ اوہ حیاتی گزارن دے ڈھنگ نوں بڑی بریکی نال دیکھدا اے تے نرپکھ ہو کے چرن سنگھ تے بشن سنگھ دے خانداناں وچ چار پیڑھیاں دے اتار چڑھا نوں بیاندا اے۔ اوہ اپنے نانے دا ایہہ اکھان کدی نہیں بھلداکہ جے خاندان وچ آمدنی دا ویہن اکسار نہ وگے تے پیسے دے کھوہ خالی ہو جاندے نیں۔ ایہہ کوئی اچنبھا نہیں اے کہ ناول دے اخیر وچ اوہنوں سمجھ آوندی اے کہ “دکھ دی عام کھیڈ وچ سکھ اک کدی کدار آون والا حصہ اے”۔
اپنے جاندار بیان تے سچیت کتھاکاری راہیں ایہہ ناول پچھلے اٹھ دھاکیاں وچ پنجاب وچ ہوون والیاں سماجی، معاشی تے رہتلی تبدیلیاں نوں نظراں ساہویں اگھیڑدا اے۔ ناول وچ انی گئی چار پیڑھیاں دی کہانی اپنی ادبی پیشکاری وچ اچھوتی اے تے اک سانجھی کسان ٹابری دے حقیقی تجربے تے وی پورا اتردی اے۔ پاتراں دی حقیقت پسندانہ اساری تے بولی دی فنکارانہ ورتوں پاروں ایہہ اک شاندار ناول اے۔