انعام دے جیتو

اوتار سنگھ بلنگ بھارتی پنجاب دے ضلع لدھیانہ دے کھنہ دے نیڑے پنڈ سیہ وچ 1952 نوں جمے۔ اوہناں نیں ایم اے انگریزی تے بی ایڈ کیتا اے تے اوہ انگریزی دے ریٹائرڈ لیکچرار نیں۔ اوہناں دیاں کہانیاں دیاں چار کتاباں، بالاں لئی تن کتاباں تے چھے ناول چھپ چکے نیں جیس وچ سبھ توں پہلا 2014 دا پنجابی ساہت دا ڈھاہاں انعام جتن والا ناول وی شامل اے۔ بلنگ آپنیاں لکھتاں تے کئی انعام لئے چکے نیں جیس وچ پنجاب گورنمنٹ لینگوئج ڈیپارٹمنٹ ولوں اوہناں دے ناول "خیرسکھ ویہڑے سکھ" نوں دتا جاون والا سال دے بہترین ناول دا نانک سنگھ ایوارڈ 2003 وی شامل اے۔ اوہ 2008 وچ اپنے ناول "ایہناں راہاں اتے" لئی وی ایہہ انعام لئے چکے نیں۔ نواں زمانہ جلندھر نیں اوہناں دے ناول "پت کملاگئے" نوں سال 2010 دی بہترین کتاب دا ایورڈ دتا۔ 2014 وچ پنجابی ساہت لدھیانہ نیں ساہت وچ اوہناں دی خدمات لئی چرن داس ایوارڈ دتا۔