ਪਰਵੀਨ ਮਲਿਕ

ਭੂਮਿਕਾ

2018 ਮੁੱਖ ਬੁਲਾਰਾ

ਖੇਤਰ

ਲਹੌਰ, ਪੰਜਾਬ, ਪਾਕਿਸਤਾਨ

ਪਰਵੀਨ ਮਲਿਕ ਪੰਜਾਬੀ ਗਲਪ ਦੇ ਬਹੁਤ ਹੀ ਸਤਿਕਾਰਯੋਗ ਲੇਖਕਾ ਹਨ ਅਤੇ ਇਕ ਨਾਮਵਰ ਪ੍ਰਸਾਰਕ ਵੀ। ਉਨ੍ਹਾਂ ਦੇ ਕਹਾਣੀ ਸੰਗ੍ਰਹਿ ‘ਕੀ ਜਾਣਾ ਮੈਂ ਕੌਣ’, ‘ਨਿੱਕੇ ਨਿੱਕੇ ਦੁੱਖ’ ਅਤੇ ਇਕ ਉਰਦੂ ਦਾ ਨਾਵਲ ‘ਆਧੀ ਔਰਤ’ ਪਰਕਾਸ਼ਤ ਹੋ ਚੁੱਕੇ ਹਨ। ਉਨ੍ਹਾਂ ਦੁਆਰਾ ਲਿਖੀ ਸਵੈਜੀਵਨੀ ‘ਕੱਸੀਆਂ ਦਾ ਪਾਣੀ’ 2016 ਵਿਚ ਛਪਿਆ ਸੀ। ਇਸ ਤੋਂ ਇਲਾਵਾ, ਉਨ੍ਹਾਂ ਨੇ ਪਾਕਿਸਤਾਨ ਟੈਲੀਵਿਜ਼ਨ ਲਈ ਅਨੇਕਾ ਸਕ੍ਰੀਨਪਲੇਅ ਲਿਖੇ ਅਤੇ ਇਕ ਸਾਹਿਤਕ ਪਰੋਗਰਾਮ ‘ਲਿਖਾਰੀ’ ਲਹੌਰ ਟੈਲੀਵਿਜ਼ਨ ਤੋਂ ਚਲਾਇਆ। ਉਨ੍ਹਾਂ ਦਾ ਪ੍ਰਸਿੱਧ ਪਰੋਗਰਾਮ ‘ਪੰਜਾਬ ਰੁੱਤ’ ਲਹੌਰ ਰੇਡੀਓ ਤੋਂ 1988-1998 ਤਕ ਪ੍ਰਸਾਰਿਤ ਹੋਇਆ।

ਪਰਵੀਨ ਮਲਿਕ ਨੇ ਕਈ ਵੱਕਾਰੀ ਸਾਹਿਤਕ ਅਤੇ ਨਿਵੇਕਲੇ ਇਨਾਮ ਸਮੇਤ ‘ਵਾਰਸ ਸ਼ਾਹ’ ਅਤੇ ‘ਬਾਬਾ ਫ਼ਰੀਦ’ ਇਨਾਮ ਦੇ ਅਤੇ 2016 ਵਿਚ ਪਾਕਿਸਤਾਨ ਗੌਰਮੈਂਟ ਵਲੋਂ ‘ਸਿਤਾਰਾ ਇਮਤਿਆਜ਼’ ਹਾਸਲ ਕੀਤੇ ਹਨ। ਉਨ੍ਹਾਂ ਨੇ ਪਾਕਿਸਤਾਨ ਦੀ ਫੈਡ੍ਰਲ ਮਨਿਸਟਰੀ ਆਫ ਇਨਫਰਮੇਸ਼ਨ ਐਂਡ ਬਰੌਡਕਾਸਟਿੰਗ ਵਿਚ ਡਿਪਟੀ ਡਾਇਰੈਕਟਰ ਵਜੋਂ ਸੇਵਾ ਨਿਭਾਈ।

ਅੱਜ ਕੱਲ੍ਹ ਉਹ ਪਾਕਿਸਤਾਨ ਵਿਚ ਪੰਜਾਬੀ ਬੋਲੀ ਅਤੇ ਸੱਭਿਆਚਾਰ ਦੀ ਉੱਨਤੀ ਲਈ ਕੰਮ ਕਰ ਰਹੀ ਇਕ ਪ੍ਰਮੁੱਖ ਸੰਸਥਾ ‘ਪੰਜਾਬੀ ਅਦਬੀ ਬੋਰਡ’, ਲਹੌਰ ਦੀ ਸਕੱਤਰ ਦੇ ਤੌਰ ਤੇ ਸੇਵਾ ਕਰ ਰਹੇ ਹਨ।

ਸਦੀਆਂ ਤੋਂ ਮਾਵਾਂ ਨੇ ਆਪਣੀਆਂ ਧੀਆਂ ਨੂੰ ਚੁੱਪ ਰਹਿਣਾ ਸਿਖਾਇਆ ਹੈ…‘ਭਾਵੇਂ ਤੁਹਾਡੇ ਕੋਲ ਬੋਲਣ ਦਾ ਚੰਗਾ ਕਾਰਨ ਹੈ ਫਿਰ ਵੀ ਚੁੱਪ ਰਹੋ’…। ਇਕ ਪੰਜਾਬੀ ਲੇਖਿਕਾ ਹੋਣ ਦੇ ਨਾਤੇ, ਮੈਂ ਚਾਹੁੰਦੀ ਹਾਂ ਕਿ ਵਧੇਰੇ ਔਰਤਾਂ ਅੱਗੇ ਆਉਣ, ਆਪਣੀਆਂ ਕਹਾਣੀਆਂ ਲਿਖਣ ਅਤੇ ਸੁਣਾਉਣ।