ਸਿਰਲੇਖ
ਇਗਜ਼ੈਕੇਟਿਵ, ਪ੍ਰੋਗਰੈੱਸਿਵ ਪਾਕਿਸਤਾਨੀ ਕੈਨੇਡੀਅਨਜ਼ ਕੈਨੇਡਾ
ਖੇਤਰ
ਐਬਟਸਫੋਰਡ, ਬੀ.ਸੀ., ਕੈਨੇਡਾ
ਸ਼ਹਿਜ਼ਾਦ ਨਯੀਰ ਖਾਨ ਦਾ ਜਨਮ ਪਾਕਿਸਤਾਨ ਦੇ ਪੰਜਾਬ ਸੂਬੇ ਦੇ ਦੱਖਣੀ ਜ਼ਿਲ੍ਹੇ ਡੇਰਾ ਗ਼ਾਜ਼ੀ ਖਾਨ ਵਿੱਚ ਹੋਇਆ ਸੀ, ਜੋ ਸਿੰਧ ਨਦੀ ਦੇ ਪੱਛਮੀ ਕੰਢੇ ’ਤੇ ਸਥਿਤ ਹੈ। ਉਹ ਦੱਖਣੀ ਏਸ਼ੀਆਈ ਕਮਿਊਨਿਟੀ ਦਾ ਇਕ ਜਾਣਿਆ ਪਛਾਣਿਆ ਸ਼ਾਂਤੀ ਅਤੇ ਸਮਾਜਿਕ ਨਿਆਂ ਦਾ ਕਾਰਕੁਨ ਹੈ ਜੋ 2006 ਵਿੱਚ ਪਾਕਿਸਤਾਨ ਤੋਂ ਕੈਨੇਡਾ ਵਿੱਚ ਆ ਵਸਿਆ ਸੀ। ਉਸ ਨੇ ਅਤੇ ਉਸ ਦੇ ਅਗਾਂਹਵਧੂ ਪਾਕਿਸਤਾਨੀ ਕੈਨੇਡੀਅਨ ਸਾਥੀਆਂ ਨੇ ‘ਸ਼ਾਂਤੀ’ ਅਤੇ ਦੱਖਣੀ ਏਸ਼ੀਆਈ ਪ੍ਰਵਾਸੀਆਂ ਨਾਲ ਜੁੜੇ ਹੋਰ ਮੁੱਦਿਆਂ ਬਾਰੇ ਜਾਗਰੂਕਤਾ ਪੈਦਾ ਕਰਨ ਅਤੇ ਇਕ ਸ਼ਾਂਤੀਪੂਰਨ, ਸਹਿਨਸ਼ੀਲ ਅਤੇ ਅਹਿੰਸਾਵਾਦੀ ਸਮਾਜ ਜਿਸ ਵਿੱਚ ਸਦਭਾਵਨਾ ਸਹਿ-ਹੋਂਦ ਇਕ ਰਹਿਣ ਯੋਗ ਹਕੀਕਤ ਬਣ ਸਕਦੀ ਹੈ ਦੀ ਸਿਰਜਣਾ ਕਰਨ ਲਈ ਕਈ ਤਰ੍ਹਾਂ ਦੇ ਉਪਰਾਲੇ ਕੀਤੇ। ਉਸ ਨੇ ਅਤੇ ਉਸ ਦੇ ਦੱਖਣੀ ਏਸ਼ੀਆਈ ਮੂਲ ਦੇ ਹਮ-ਖਿਆਲੀਆਂ ਨੇ ਲੋਕਾਂ ਨੂੰ ਉਨ੍ਹਾਂ ਦੇ ਰਾਸ਼ਟਰੀ ਮੂਲ, ਧਰਮ, ਜਾਤ, ਲਿੰਗ ਅਤੇ ਸ਼੍ਰੇਣੀ ਭਿੰਨਤਾਵਾਂ ਦੀ ਪਰਵਾਹ ਕੀਤੇ ਬਿਨਾਂ ‘ਸ਼ਾਂਤੀ’ ਦੇ ਇਕ ਸਾਂਝੇ ਪਲੇਟਫਾਰਮ ’ਤੇ ਲਿਆਉਣ ਵਿੱਚ ਬਹੁਤ ਵੱਡਾ ਮਹੱਤਵ ਦੇਖਿਆ ਸੀ। ਕੈਨੇਡਾ ਵਿੱਚ ਦੱਖਣੀ ਏਸ਼ੀਆਈ ਪ੍ਰਵਾਸੀਆਂ ਵਿੱਚ ਆਪਣੀਆਂ ਵਿਭਿੰਨ ਗਤੀਵਿਧੀਆਂ ਰਾਹੀਂ, ‘ਉਹ ਵੰਨ-ਸੁਵੰਨਤਾ ਵਿੱਚ ਏਕਤਾ’ ਮਨਾਉਂਦਾ ਹੈ ਅਤੇ ਆਪਣੇ ਜੱਦੀ ਦੇਸ਼ ਵਿੱਚ ਵਸਦੇ ਲੋਕਾਂ ਨੂੰ ਸ਼ਾਂਤੀ ਦਾ ਸੰਦੇਸ਼ ਭੇਜਦਾ ਹੈ।
ਉਸ ਨੇ ਬਿਜ਼ਨਸ ਐੱਡਮਿਨਿਸਟ੍ਰੇਸ਼ਨ ਵਿੱਚ ਮਾਸਟਰਜ਼ ਕੀਤੀ ਹੋਈ ਹੈ ਅਤੇ ਖੇਤੀਬਾੜੀ ਦੀ ਡਿਗਰੀ ਯੂਨੀਵਰਸੀਟੀ ਆਫ ਐਗਰੀਕਲਚਰ, ਫੈਸਲਾਬਾਦ (ਲਾਇਲਪੁਰ), ਪਾਕਿਸਤਾਨ ਤੋਂ ਪ੍ਰਾਪਤ ਕੀਤੀ। ਭਾਵੇਂ ਉਹ 15 ਸਾਲਾਂ ਤੋਂ ਵੀ ਵੱਧ ਸਮੇਂ ਤੋਂ ਖੇਤੀਬਾੜੀ ਵਿੱਕਰੀ ਅਤੇ ਮਾਰਕੀਟਿੰਗ ਉਦਯੋਗ ਦਾ ਕੰਮ ਕਰਦਾ ਹੈ ਪਰ ਉਸ ਦੀ ਮੁੱਖ ਰੁਚੀ ਅਤੇ ਸ਼ੌਕ ਕਵਿਤਾ, ਸਾਹਿਤ ਅਤੇ ਸੰਗੀਤ ਪ੍ਰਤੀ ਹੈ।
