ਸਾਧੂ ਬਿਨਿੰਗ

ਸਿਰਲੇਖ

ਸੇਵਾ ਮੁਕਤ ਪੰਜਾਬੀ ਭਾਸ਼ਾ ਦੇ ਅਧਿਆਪਕ, ਯੂਨੀਵਰਸਿਟੀ ਆਫ ਬ੍ਰਿਟਿਸ਼ ਕੋਲੰਬੀਆ ਬਰਨਬੀ, ਬੀ. ਸੀ., ਕੈਨੇਡਾ

ਖੇਤਰ

ਬੀ.ਸੀ., ਕੈਨੇਡਾ

ਸਾਧੂ ਬਿਨਿੰਗ, ਯੂਨੀਵਰਸਿਟੀ ਆਫ ਬ੍ਰਿਟਿਸ਼ ਕੋਲੰਬੀਆ ਤੋਂ ਸੇਵਾ ਮੁਕਤ ਪੰਜਾਬੀ ਭਾਸ਼ਾ ਦਾ ਅਧਿਆਪਕ ਕਵਿਤਾ, ਗਲਪ, ਨਾਟਕ, ਅਨੁਵਾਦ ਅਤੇ ਖੋਜ ਦੀਆਂ 19 ਤੋਂ ਵੱਧ ਕਿਤਾਬਾਂ ਦਾ ਲੇਖਕ ਅਤੇ ਸਹਿ-ਲੇਖਕ ਹੈ। ਉਸ ਦੀਆਂ ਰਚਨਾਵਾਂ ਨੂੰ ਪੰਜਾਬੀ ਅਤੇ ਅੰਗਰੇਜ਼ੀ ਦੋਵਾਂ ਭਾਸ਼ਾਵਾਂ ਵਿੱਚ 50 ਤੋਂ ਵੱਧ ਸੰਗਰੈਹਾਂ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਉਹ ਸਾਹਿਤਕ ਮਾਸਕ ਪੱਤਰ ‘ਵਤਨੋ ਦੂਰ’ ਦਾ ਸੰਪਾਦਕ ਰਿਹਾ ਹੈ ਅਤੇ ਇਕ ਤਿਮਾਹੀ ਪੱਤਰ ‘ਵਤਨ’ ਦਾ ਸਹਿ ਸੰਪਾਦਨ ਹੈ। ਉਹ ਥੀਏਟਰ ਗਰੁੱਪ ‘ਵੈਨਕੂਵਰ ਸੱਥ’ ਅਤੇ ‘ਅੰਕੁਰ’ ਦਾ ਸੰਸਥਾਪਕ ਮੈਂਬਰ ਹੈ। ਉਸ ਨੇ 1993 ਤੋਂ 1995 ਤੱਕ ਬੀ. ਸੀ. ਆਰਟਸ ਬੋਰਡ ਦੇ ਮੈਂਬਰ ਵਜੋਂ ਸੇਵਾ ਨਿਭਾਈ। ਉਹ ਕਈ ਸਾਹਿਤਕ ਅਤੇ ਸੱਭਿਆਚਾਰਕ ਸੰਸਥਾਵਾਂ ਦਾ ਸਰਗਰਮ ਮੈਂਬਰ ਹੈ ਸਮੇਤ ਪੰਜਾਬੀ ਰਾਈਟਰਜ਼ ਫੋਰਮ ਅਤੇ ਰਾਈਟਰਜ਼ ਯੂਨੀਅਨ ਆਫ ਕੈਨੇਡਾ। 

ਬ੍ਰਿਟਿਸ਼ ਕੋਲੰਬੀਆ ਵਿੱਚ ਤਬਦੀਲੀ ਲਿਆ ਰਹੇ 100 ਪ੍ਰਮੁੱਖ ਦੱਖਣੀ ਏਸ਼ੀਆਈਆਂ ਵਿੱਚ ਉਸ ਦਾ ਨਾਮ ਦਰਜ ਕੀਤਾ ਗਿਆ ਹੈ। ਸਾਧੂ ਦੀ ਝੋਲੀ ਕਈ  ਪੁਰਸਕਾਰ ਪੈ ਚੁੱਕੇ ਹਨ ਜਿਨ੍ਹਾਂ ਵਿੱਚ ਸਾਲ 2015 ਦਾ ਸ਼ਰੋਮਣੀ ਸਾਹਿਤਕਾਰ (ਵਿਦੇਸ਼ੀ) ਅਤੇ ਸਾਲ 2019 ਦਾ ਯੂਨੀਵਰਸਿਟੀ ਆਫ ਬ੍ਰਿਟਿਸ਼ ਕੋਲੰਬੀਆ ਤੋਂ ਆਨਰੇਰੀ ਡਿਗਰੀ, ਡਾਕਟਰ ਆਫ ਲੈਟਰਜ਼ (ਡੀ. ਲਿਟ) ਸ਼ਾਮਲ ਹਨ। ਪੰਜਾਬੀ ਲੈਂਗਵੇਜ ਅਜੂਕੇਸ਼ਨਲ ਐਸੋਸੀਏਸ਼ਨ ਦੇ ਮੀਤ ਪ੍ਰਧਾਨ ਵਜੋਂ, ਉਹ ਪਿਛਲੇ ਕਈ ਦਹਾਕਿਆਂ ਤੋਂ ਬ੍ਰਿਟਿਸ਼ ਕੋਲੰਬੀਆ, ਕੈਨੇਡਾ ਦੀਆਂ ਜਨਤਕ ਸਿੱਖਿਆ ਸੰਸਥਾਵਾਂ ਵਿੱਚ ਪੰਜਾਬੀ ਭਾਸ਼ਾ ਨੂੰ ਲਾਗੂ ਕਰਾਉਣ ਅਤੇ ਪਰਫੁੱਲਤ ਕਰਨ ਦਾ ਕਾਰਜ ਕਰਦਾ ਆ ਰਿਹਾ ਹੈ।