نوجوت ڈھلوں

Role

2024 مُکھ بُلارا

نوجوت ڈھلوں، مول روپ وچّ ضلع جالندھر، پنجاب، بھارت توں ہے۔ اوہ اک پرسکار جیتو انڈوکینیڈیئن پترکار ہے جس نے 1995 وچّ اپنے پیشے دی شروعات کیتی۔  

اس دے پرسکاراں وچّ سرووتم پترکاری لئی 2023 دا جگجیت سنگھ آنند میموریال ایوارڈ اتے 2019 وچّ چیتنا ایشوسیئیشن آف کینیڈا دوارا دتا گیا پترکاری وچّ تارہ سنگھ ہیئر ایوارڈ شامل ہن۔

ڈھلوں دا میڈیا سفر گورو نانک دیوَ یونیورسٹی ریجنل کیمپس، جالندھر  توں پترکاری اتے جن سنچار (ایم جے ایم سی) وچّ ایم اے دی ڈگری اتے ڈی اے وی کالج، جالندھر توں راجنیتی شاستر وچّ ایم اے دی ڈگری حاصل کرن توں بعد شروع ہویا۔ اس نے ‘د انڈین ایکپریس’ وچّ سکھلائی پراپت کیتی۔ جالندھر وچّ رہندیاں، اس نے آل انڈیا ریڈیو، ہندوستان ٹائیمز، دوردرشن ٹی وی اتے نال ہی مونٹریال دے ‘ریڈیو ہم سفر’ لئی اک رموٹ پیشکار وجوں کم کیتا۔ 

1998 – 2004 دے وچکار، اس نے جالندھر چھاؤنی (کینٹ) وچّ بنارسی داس آریہ کالج وچّ جن سنچار اتے ویڈیو اتپادن وبھاگ وچّ مکھی وجوں سیوا کیتی۔ 

کینیڈا پہنچن تے، نوجوت ڈھلوں 2005 توں 2019 دے وچکار وینکوور وچّ اک ٹآک شوٕ ہوسٹ اتے نیوز ریڈر بن گئی۔ اس نے سٹیشن تے اپنے اخیرلے سال دوران نیشنل نیوز ڈائریکٹر دی بھومکا نبھائی۔ پھر اس نے پنجابی ساہت، رنگ منچ اتے کلا دے نال نال ہور سمکالی مدعیاں نوں اجاگر کرن لئی یوٹیوب تے اک پوڈکاسٹ، ‘نوجوت ڈھلوں وال’ دی شروعات کیتی اتے ہوسٹ کرنا جاری رکھیا۔

2020 توں 2023 درمیان شیر-اے-پنجاب ای ئیم 600 تے کم کردے ہوئے، نوجوت ڈھلوں نے پنجابی کلا اتے سبھیاچار نوں باقاعدہ کور کیتا۔ اس دے شوآں وچّ لیکھک، تھئیٹر اداکار، ناٹک کار، نردیشک، چترکار، گائک اتے سنگیت نردیشک شامل سن۔ جیہناں وچّ بہت سارے ڈھاہاں پرائیز دے فائینلسٹ اتے جیتو وی شامل سن۔

ڈھلوں نے جلوایو پرورتن، لنگ-ادھارت ہنسا، لنگ سمانتا، نشے، انترراشٹری ودیارتھیاں دا شوشن، مانسک صحتَ، ایل جی بی ٹی کیو+ (LGBTQ+) لوکاں اتے جاتی وتکرے دے وشیاں ’تے وی سرخیاں دتیاں۔ 

“پنجابی ساہت نے مینوں اپنیاں جڑھاں نال جوڑ کے رکھیا ہے….پنجابی سبھیاچار اتے لوکاں دیاں جڑھاں نوں سمجھن لئی پنجابی ساہت پڑھنا ضروری ہے۔”

-نوجوت ڈھلوں