لنڈا گرے

Role

2022 مُکھ بُلارا

وینکوور، برِٹش کولمبیا دی وسنیک لنڈا گرے سمشیان نیشن دی ممبر ہے۔ ایس دی کتاب فسٹ نیشنز 101 ہن دوجے ایڈیشن (2022) وچ چھپ چکی ہے۔ ایہہ کتاب کلاس روماں اتے سنستھاواں وچ تاں ورتی ہی جاندی ہے۔ اس دے نال ہی سدیشی اتہاسک اتے موجودہ جیون دی سنکھیپ جانکاری حاصل کرن والے ویکتی وی اس دی ورتوں کردے ہن۔ 

گرے نے اربن نیٹو یوتھ ایسوسی ایشن (UNYA) دے کارجکاری نردیشک وجوں 8 سالاں لئی سیوا نبھائی۔ اج کل اوہ نیشنل انڈجنس کلچرل سیفٹی (ICS) صلاح کار سرکل وچ سیوا کردی ہے۔ اوہ درشکاں دے وکھرے وکھرے سموہاں نوں نسل واد ورودھی، سکھیا، اک مہان سہیوگی کویں بننا ہے، اتے سماجک مدعیاں بارے پیشکاریاں وی دیندی ہے۔ 

فسٹ نیشنز 101 کتاب وچ بستی وادی دخل اندازی دے ویروے درج ہن جو مولواسی لوکاں نوں کنیڈیئن سماج دی مکھ دھارا وچ شامل کرن اتے اوہناں دیاں بولیاں، سبھیاچاراں، پرمپراگت گیان اتے ہوند نوں مٹاؤن دی کوشش وچ ورتے گئے سن۔ نتیجے وجوں، لمبے   سمیں دیاں چنوتیاں اتے ان سلجھے صدمے پیدا ہو چکے ہن۔ گرے اوہناں طریقیاں ول اشارہ کر کے بھوکھ لئی امید دی پیش کش کردی ہے جس وچ سماج، سمچے طور تے، آدواسی لوکاں دے اندرلے زخم بھرن اتے اوہناں نال دلوں صلح کرن لئی کم کر سکدے ہن۔ 

لنڈا گرے نے 2022 دے ڈھاہاں انعام سماروحاں وچ مکھ بلارا دے طور تے سینہمئی سدا پروان کرن اپرنت اپنی شمولیت کیتی۔ ایہناں سماگماں وچ اس نے پرواسی بھائی چاریاں دے انوبھواں وچ سمانتاواں نوں نوٹ کیتا، جنہاں وچوں کجھ نے بستی واد اتے وتکرے دے ستھائی پربھاواں دا وی انوبھوَ کیتا ہویا سی۔ اوہ نریکھن کردی ہے کہ جتھے بستی واد نے بہوتیاں نوں پربھاوت کیتا ہے اوتھے بہت ساریاں نے صحت مند پریواراں اتے بھائی چاریاں دے مڑ نرمان وچ مدد کرن لئی اپنے سبھیاچاراں اتے پرمپراواں توں سیدھ لینی شروع کیتی۔ گرے ایہہ وی سمجھدی ہے کہ ساڈے سبھیاچار ولکھن تاں ہو سکدے ہن پر کلا اتے ساہت ساڈی سانجھی والتا نوں مناؤن اتے بھائی چارے بناؤن وچ مدد کردے ہن

کھوج بھرے ویرویاں دا پرکاشت روپ اتہاس بارے گم ہوئی جانکاری پردان کرن دے راہ کھولھدا ہے، اتہاس اج سانوں کویں پربھاوت کردا ہے، اتے ایہہ یقینی بناؤندا ہے کہ وبھن وچار، گیان اتے انوبھوَ جانے اتے سانجھے کیتے جان۔

لنڈاگرے-