پنجابی بھاشا اتے ساہت
نوں اگے وھاون لئی اک ایوارڈ
2013وچ ایسدی شروعات توں بعد،پنجابی ساہت لئی ڈھاہاں پرائز نوں اپنے آپ نوں پنجابی گلپ دیاں نویاں رچناواں لئی وشو دے پُرمکھ انعام وجوں ستھاپت کیتا ہے۔ایس پکھوں ایہ پنجابی بھاشا وچ کلاتمک پرگٹاوے دے بھنڈار نوں اُچا چُکن اتے اُس ول دھیان کھچن وچ سفل رہیا ہے۔
2023 وچ ، ایہ سنستھا پنجابی ادھین وچ ساہتک اتے کھوج سمرتھا نوں ودھاون لئی اک گلوبل ایوارڈ “ڈھاہاں پرائز چانن مُنارے” نوں ستھاپت کرن وچ پہل قدمی کر چُکی ہے۔
چانن مُنارے پروگرام پنجابی کلاواں اتے مانوتا دے وشیش کھیتراں وچ پڑھ رہے ماسٹرز دے ودیارتھیاں لئی ایوارڈ لئی عرضی دین لئی دروازا کھولدا ہے۔ایہ ایوارڈ پنجابی بھاشا،کلا اتے اتہاسک ریکارڈ نوں وشو بھر وچ اگے ودھاون وچ سہائتا کرن لئی تیار کیتے گئے ہن۔
گھٹو گھٹ 42 ماسٹرز ودیارتھیاں نوں ایس ایوارڈ توں لابھ لین دی اُمید کیتی جاندی ہے۔
ایہ مہتوپورن کیوں ہے
اج دے آدھنُک یُگ وچ ،تکنیکی،ودیک اتے آرتھک گلوبل پرنالیاں انگریزی دی ودھ توں ودھ ورتوں دی منگ کردیاں ہن۔ نتیجے وجوں،دُنیا دیاں بہت ساریاں بھاشاواں الوپ ہو سکدیاں ہن۔جو امیر پرنپرواں اتے گیان بھاشاواں نال سنبدھت ہے، اوہ وی آون والیاں پیڑھیاں وچ گواچ سکدا ہے۔
حالاں کہ،جویں اتہاس سانوں دکھاوندا ہے،بھاشاواں نوں کلاتھیٹر،ساہت،ساہتک،آلوچنا،کویتا،کھوج اتے ہور بہت سارے کھیتراں وچ ودوتا بھرپور رچناکاراں دے کماں دوارا سُرکھیت اتے سُرجیت کیتا جا سکدا ہے۔
ایہ اوہ ویکتی ہن جو پرنپرا دے دستاویزی کرن لئی آپنے جیون سمرپت کردے ہن، اتے جو پرنپرا نوں ایس دے آدھنک سمرن وچ بدلن لئی کم کردے ہن، سانوں وبھنن بھاشاواں اتے سبھیاچاراں دی نرنترتا لئی اوہناں شخصیتاں دا دھنواد کرنا بندا ہے۔
اُچ ودیا نوں عام طور تے پی ایچ ڈی پدھر تے وتی سہاتا پراپت ہوندی ہے، پر ماسٹرز پدھر تے کدے کدائیں۔ پھیر وی، پی ایچ ڈی پراپت کرن لئی ماسٹرز دی ڈگری “قدم پتھر” وجہوں لوڑنیدی ہے۔
ڈھاہاں پرائز چانن مُنارے ایوارڈ دا اُدیش پوسٹ-گریجویٹ ودھارتیاں لئی ایس پاڑے نوں بھرنا ہے جو پنجابی بھاشا نوں اگے ودھاون اتے ایس دی سبھیاچار نوں سُرکھیت رکھن لئی وچنبدھ ہے۔
سانوں اُمید ہے کہ ڈھاہاں چانن مُنارے پروگرام راہیں اُبھردے ودوان اتے لیکھک آون والیاں پیڑھیاں تک پنجابی بھاشا دی وراثت نوں اگے ودھاون گے۔
نِویش
ڈھاہاں چانن مُنارے پروگرام لئی راشی 200،000$ کینیڈا ڈالر سمرپت کیتی جاوے گی، جو ڈھاہاں انعام دے نال ہستاکھر کیتے سہبھاگی سمجھوتیاں دے ادھار تے ہیٹھاں دتے کالجاں اتے یونیورسٹیاں وچکار ونڈی جاوے گی۔
کینیڈا وچ
برٹش کولمبیا یونیورسٹی(UBC) aia) ایشین سڈیز وبھاگ، وینکوور
- 6 سالاں لئی 3 ودیارتھیاں دی سہائتا لئی 000، 50$ (UBC برابری وچ 50،000$ کینیڈین ڈالر ہور دیوے گی۔)
بھارت وچ
پنجابی یونیورسٹی،پٹیالہ
- 6 سالاں لئی 10 ودیارتیاں دی سہاتا لئی 25،000$ کینڈین ڈالر
خالصہ کالج، امرتسر
- 6 سالاں لئی 10 ودیارتیاں دی سہاتا لئی 25،000$ کینڈین ڈالر
پاکستان وچ
لہور کالج فار وومن یونیورسٹی،لہور
- 6 سالاں لئی 10 ودیارتیاں دی سہاتا لئی 25،000$ کینڈین ڈالر
گورمنٹ کالج یونیورسٹی ، فیصل آباد
- 6 سالاں لئی 10 ودیارتیاں دی سہاتا لئی 25،000$ کینڈین ڈالر
عرضی دی پرکریا
اپروکت نامی یونیورسٹیاں بنے کاراں نوں اوہناں دے سنبندھت سنچار نیٹ ورکاں دُوارا سدا دین گیاں۔ یونیورسٹیاں ساریاں عرضیاں دیاں پرکریاواں نوں سنبالن گیاں۔
ڈھاہاں پرائز سدھے طور تے عرضیاں پراپت نہیں کر سکدا ہے۔
