کہانی سنگریہہ ‘تند تند میلی چادر’ وچ لیکھک انور علی احمد پاکستانی پنجابی وِچلے لوکاں دے نِت –دِیہاڑی دے جیون وچ پسرے دنبھ کپٹ نُوں تار تار کردا ہے ۔ عام لوکاں ولوں ورتے جاندے جاندار تے ارتھ بھرپُور پنجابی کتھناں تے محاوریاں نُوں انج بنّ کلاوے وچ لیندیاں ہویاں چُست وارتالپ دا اِستعمال اُس دی رچناتمک لِکھت دا خاصہ ہے۔ پنجابی سماج وِچلی مذہبی پُجاری جمات دے کارکُناں دی حقیقت نُوں دلیری نال ساہویں لیاوندیاں اُس نے درسائیا ہے کہ کیویں ایہہ لوک طاقت پِچھے بھجدے ہن ، دوہرا جیون جیوندے ہن اتے دوگلی زُبان دی ورتوں کردے ہن ۔ اُوہناں دے دنبھ تے کپٹ نُوں اتے اوہناں دی کتھنی تے آچار-وِہار وِچلے کھپے نُوں بہت کلاتمک پرگٹاوے راہیں نگاہ کیتا گیا ہے ۔ تِکھی تے کاٹویں آلوچنا والیاں ایہناں کہانیاں وچ لیکھک اُس نامُناسب پِتا-پُرکھی وہار نُوں وی چُنوتی دِیندا ہے جس نُوں چِر کال تُوں کِسے طرحاں دے کنتوں پرنتوں تُوں بغیر قبول کیتا جاندا رہیا ہے۔ انج جائیداد وچ دھیا ں بھیناں نُوں اوہناں دے بندے برابر دے حق تُوں محروم رکھے جان دی پِرت دی اوہ نِندیا کردا ہے ۔ بہو بھاتی چریتر سِرج کے اتے اوہناں دے روزانہ جیون وِچلی بھر پُورتا نُوں چُست وارتالاپ راہیں ساہمنے لیا کے انور علی احمد نے کہانی دی جُگت وچ کمال دی سفلتا پراپت کیتی ہے۔
