پرگٹ سِنگھ دا ناول ‘خبر اک پِنڈ دی’ گلپ-رچنا وچ ساہتک شیلی دے پکھ توں اک اسادھارن بھانت دے وِلکھن پریوگ نوں درساوندا ہےـجادوئی یتھارتھ واد دی وِدھی وچ رچیا ہویا ایہہ اک سُپن – چِتر ہے۔ پرگٹ سِنگھ ستوج دی ایس لِکھت وِچوں پنجاب دے پِنڈاں تے قصبیاں دے جیون دے اجوکے یتھارتھ دی کرورتا دیاں انیکاں پرتاں دِشٹی گوچر ہوندیاں ہن۔یونانی ناٹکاں وِچلے سُوتردھار وانگ ناول وِچلا برتانت کار وکھ وکھ گھٹناواں تے پاتراں اوپر لگاتار ٹِپنی کردا چلیا جاندا ہے۔ مرحوم بلونت سِنگھ ترک دھرم راج توں مُہلت لے کے پرلوک وِچ اپنے پِنڈمِہر پُور پرتدا ہے اتے ویکھدا ہے کے پِنڈ انیک بھانت دیاں سمیسیاواں وچ گرسیا ہویا ہے ۔ اِنجھ ایہہ ناول پِنڈوچ پسری گندگی اتے وِکاراں نوں بہت کلاتمک ڈھنگ نال دستاویزی رُوپ وچ ساہمنے لیاوندا ہے۔ سُوتردھار دے ادرشٹ چوگے وچ چھُپیا بِرتانت کار ،بلونت سِنگھ ترک پاٹھکاں نوں حقیقی تے سُپن سنسار دی جھلک دِکھاون وچ سہائی ہوندا ہے ۔کتھا کہن دے لہہ توں ہٹواں ایہہ ڈھنگ لیکھک نوں ایہہ سمرتھا پردان کردا ہے کہ اوہ پِنڈ دے وسنیکاں دے شیریں ،کوڑے- کسیلے سماجی ،آرتھک تے راجسی جیون اُتے بیلاگ جھاتی پا سکے ۔اوہ پنجابی سبھیاچار وچ گھر کری بیٹھے ،دھارمک آگواں وجوں وِچردے دنبھی بابیاں نُوں ننگیاں کردا ہے۔ پِنڈ نُوں نرنتر پریشان کرن والے مسئلیاں،لوکاں دیاں چِنتاواں اتے وِبھن سماجک سروکاراں توں پُوری طرحاں واقف لیکھک جادو اتے حقیقت دا اک ورودھا بھاسی سنسار سِرجدا ہے۔اجوکے پِنڈ دیاں ترنگاں تے انترجھات پاون دے اِچھک پاٹھکاں لئی ایہہ ناول اک دعوت وانگ ہے ۔
