مدثر بشیر

مدثر بشیر اک تجربےکار پتر کار، اتہاس کار، شاعر اتے کہانیکار ہے۔اوس نے ہن تک گیاراں کتاباں سمیت پنجابی اتے اُردو وچ گلپ اتے اتہاس بارے انیک لیکھ پرکاشت کیتے ہن جیہناں وچ لاہور دی سبھیاچارک وراثت اتے ایس دے وڈمڈھلے خزانیاں نوں خاص دھیان وچ رکھیا گیا ہے۔ لاہوردی وار۔لاہور دا سبھیا چارک اتہاس 'کاں واگھے بارڈر'،کہانی سنگریہہ ،اتے' سمے' ناول اوس دیاں سبھ توں ودھ مانتا پراپت رچناواں وچوں ہن۔ مُدثر بشیر دیاں کئی لکھتاں انگریزی اتے اُدرو وچ انوواد ہو چُکیاں ہن اتے گُر مُکھی وچ لپی انترن ہو چُکیاں ہن۔ گلپ لکھنا اوس دا بچپن توں ہی شوق ہے پر اپنی ماں بولی پنجابی وچ لکھن دی پریرنا اتے چنوتی اوس نوں مشہور لیکھک اتے آلوچک نجم حُسین سید ہوراں توں 1999وچ ملی سی۔ مدثر بشیر نوں پنجاب انسٹیٹوٹ آف لینگوئج ، آرٹ اینڈ کلچرل ، لاہور ولوں مقصود کھدرپوش انعام اتے شفقت تنویر مرزا انعام نال سنمانیا جاچُکا ہے۔
بشیر نے اُردو سیاسی وگیان اتے اتہاس وچ ماسٹر آف آرٹس ڈگریاں حاصل کیتیاں ہوئیاں ہن۔ اوہ سمیں سمیں مشہور مست ایف ایم 103ریڈیو تےافضل ساحر دے 'موج میلہ' پروگرام وچ مہمان وجوں لاہور دے اتہاس اتے اتہاس دی موجودہ معالیاں نال سنبدھتا ں بارے اپنے سوجھوان وچار پیش کردا رہندا ہے۔ بشیر اپنی کھوج اتے لکھتی رچناجاری رکھن دے نال نال پاکستان دی سبھ توں وڈی اُپ یوگ دی کمپنی سوئی ناردرن گیس پائپ لائنز لمیڈ ڈ دے سنچار وہار وبھاگ وچ کم وی کر رہیا ہے۔