Categories

2017 Winners awarded for excellence in Punjabi fiction

 پرگٹ سنگھ ستوَج

پرگٹ سنگھ ستوَج
2017 Dhahan Prize Winner

KHABAR IK PIND DI (novel)

پرگٹ سنگھ ستوَج پنجاب دے سنگرُور ضلع دے اک دور دُراڈے پنڈ دے سادھارن کسانی پروار وچ 1981 وچ جنمیا سی۔گریجویشن توں پچھوں اوہ  پرائمری سکول ادھیاپک بن گیا سی اتے سال 2006 توں ہن تک ایہو ادھیاپن دا کارج کردا آ رہا ہے۔نوکری دے نال نال ہی اُسنے پنجابی اتے اتہاس دے وشے وچ ایم ۔اے دی ڈگری حاصل کیتی اے۔لکھنا اُسنے چھوٹی عمر ہی شروع کر دتا سی اتے اک کہانی  دے رُوپ وچ اُسدی پہلی رچنا 2002  وچ چھپی سی۔ستوَج دی پہلی پلیٹھی دی پُستک "تیرا پنڈ" کاو سنگریہہ سی،جسدا پرکاشن 2008وچ ہویا۔ پر ایس توں مگروں اُسنے اپنا سارا دھیان گلپ رچنا ول موڑ دتا۔ہن تک اُسدے تن  ناول اتے اک کہانی سنگریہہ پرکاشت ہو چُکے ہن۔اُسدے پہلے دو ناولاں "بھاگو(2009 ( اتے "تیویاں"(2012) دا پنجابی ساہت جگت وچ بھرپور سواگت ہویا ہے اتے دویں ہی ناول اک توں ودھ ایڈیشناں وچ چھپ چُکے ہن۔صوبائی اتے ستھانک پدھر اُتے تاں لیکھک وجہوں پرگٹ سنگھ ستوَج دی پچھان چھیتی ہی  ہون لگی سی اتے کئی انعام سنمان اُسدی جھولی پئے۔پر اُسدی  سرجناتمک پرتبھا نوں قومی پدھر اُتے پروانی اُدوں ملی جدوں ناول"تیویاں" لئی اُسنوں سال 2012 وچ بھارتی ساہت اکادمی ولوں "یُوا ساہتکار" دے  وکاری انعام چُنیا گیا۔سال 2014 وچ چھپی اُسدی کہانیاں دی کتاب"غلت ملت زندگی" دا وی چنگا سواگت ہویا سی اتے ایس پُستک  وچلیاں کئی کہانیاں ہندی اُردو تے  راج ستھانی  وچ انواد ہو کے چُھپ چکیاں ہن۔ ناول "بھاگو" اتے کہانیاں دی پُستک "غلت ملت زندگی" دا  شاہ مُکھی وچ  لپی انتر ہو چُکیا ہے۔پرگٹ سنگھ ستوَج دیاں سمُچیاں لکھتاں کسانی سماج اتے نمن مدھ ورگ دے جیون دیاں پرتاں دی ڈوہنگی پچھان دے نال نال  بولی شیلی اُتے مُہارت اتے گلپی جُگتاں دی کُشل ورتوں دا پرمان دنیدیاں ہن۔اُس دا تیجا اتے سجرا ناول "خبر اک پنڈ دی" سال 2016 وچ چھپیا سی،جس نوں پنجابی ساہت لئی قومانتری پدھر دے سبھ توں وڈے "ڈھاہاں انعام" لئی چُنیا گیا ہے۔

علی انور احمد
علی انور احمد
2017 Dhahan Prize Finalist

TAND TAND MAILI CHAADAR (short story collection)

اصل ناں محمد انور تے لکھاری وجہوں علی انور احمد اے۔جنم ضلع قصور دے دُوردراڈے پنڈ چاہل کہنہ وچ 20 اپریل 1963وچ جمے۔ایم اے اُردو تے بی ایڈ کیتا تے 27 ورھے سکول ٹیچری کیتی۔   2000 وچ پنجابی ساہت ول مہاڑ ہویا۔  پہلی کتاب اک سو پنجابی نظماں "اکھ سمندر ہوئی" چھپی۔ پنجابی رسالے دے ایڈیٹر ڈاکٹر پروفیسر جمیل احمد پال ہوراں کہانی ول لیائے۔ رویل دے ایڈیٹر ڈاکٹر کرامت مُغل تے جمیل پال نوں کہانی کھیتر وچ اپنا اُستاد مندے نیں۔

کہانیاں دی پہلی کتاب "انسان تے سپَ" نوں جیہڑی 2002 وچ چھپی نوں مسعود کھدر پوش انعام وی ملیا۔ ہن تیک کہانیاں دے 9 پراگے چھپ چُکے ہن تے ان گنت انعام مل چُکے ہن۔ پچھلے ورھے ایہناں نوں پنجابی انسٹیٹیوٹ آف لیگویج آرٹ اینڈکلچر لہور ولوں  کہانیاں دی کتاب "تند تند میلی چادر" اُتے شفقت تنویر مرزا ایوارڈ ملیا سی۔

ہن ایس کتاب اُتے ای اوہناں نوں شاہ مُکھی دا ڈھاہاں انٹرنیشنل ایوارڈ ملیا اے۔

"تند تند میلی چادر" وچ کُل  23 کہانیاں نیں۔ایہ ساڈے اپنے گھراں دیاں کہانیاں نیں۔ایہناں کہانیاں دے پاتر سانوں اپنی وسوں وچ تھاں تھاں چلدے پھردے لڑدے ،جھگڑے، انسانی کمزوریاں دا شکار ہوندے ، کدھرے  اچھائیاں دا وکھالا کردے نظر آندے نیں۔

اوہناں دیاں کہانیاں دی سویں کتاب "کہانت کہانی" دے سرناویں ہیٹھ چھپدی پئی اے۔ہن اوہناں نوکری توں ریٹائرمنٹ لے لئی اے تے آکھدے نیں ہن اوہ بس پنجابی دی سیوا کرن گئے تے کہانیاں ہی لکھن گئے۔ڈھاہاں انٹرنیشنل ایوارڈ  لے کے اوہ ہن جگ بھر دے کہانی کاراں دی پال وچ کھڑے ہو گئے ہن۔

نچھتر سنگھ براڑ
نچھتر سنگھ براڑ
2017 Dhahan Prize Finalist

KAAGZI VIAAH (novel)

نچھتر سنگھ براڑ دا جنم موگے نیڑے ، تھیہہ والے پنڈ "جنیر" وچ 1946وچ ہویا۔پتاّ پُرکھی کتاّ کھیتی سی اتے اوہ اپنے پتاّ نال کھیتی دا کم کرواندا ہندڑہیل ہویا۔ہائری  سیکنڈری پاس کرن اُپرنت اوہ بطور ائیرمین ہوائی فوج وچ بھرتی ہو گیا۔ہوائی فوج دی نوکری  دوران ہی اُس نوں ایم اے پنجابی تک دی پڑھائی کیتی  اتے مکینکل انجنیرئنگ دا  ڈپلومہ حاصل کیتا۔18سال نوکری کرن مگروں اگاؤں رٹائیرمنٹ لے کے اُس نے  تکنیکی سکھیا وبھاگ پنجاب وچ انسٹکٹر وجہوں نوکری کیتی۔1996وچ اوہ پرواسی بن کے کینیڈا دے شہر سری وچ آ گیا۔ایتھے آ کے اُس نے سیکورٹی سُپروائز وجہوں کم کیتا۔ سُپروائز دی نوکری کردیاں پرستھتیاں اجہیاںسازگار بنیاں کہ 62دی عمر اُس نے ساہت سرجنا دے کھیتر وچ پیر دھریا اتے "کہڑی رُتے آئے " ناں دا اُس دا ناول چھپیا۔اس توں مگروں اُس نے بھارتی ہوائی فوج بارے "یاداں نیٹ فائیٹر دیاں" دی پُستک لکھی،جو ایس وشے بارے پنجابی وچ چھپن والی پہلی پُستک سی۔نچھتر سنگھ براڑ دی تیجی پرکاشت ہون والی پُستک سی "چٹھیاں دی سزا" جو اُسدی دوجی ناول رچنا سی۔براڑ نے اپنے پنڈ دا اتہاس وی  پراچین کال توں ورتمان تک "تھیہہ والا پنڈ جنیر" دے نام ہیٹھ قلم بند کیتا۔اُس دا تیجا ناول "آلھنے دی اُڈان" کینیڈا وسدے پنجابی پرواسیاں  دیاں سمسیاواں بارے سی۔ سال 2016 وچ چھپیا اُس دا چوتھا ناول "پیپر میرج" پنجابیاں دے جائز ناجائز  ڈنگ نال بدیساں ول وہِراں گھتن دے وشے نوں  کلاوے وچ لیندا ہویا نشیاں ورگی مہاںماری نوں وی درشٹی گوچر کرواندا ہے۔سرجناتمک سفر نچھتر سنگھ براڑ نے بھاویں بہت پچھڑ کے شروع کیتا پر اپنے ایس سفر اُتے اوہ مضبوتی نال اگے قدم ودھا رہا ہے۔اپنے اگلے ناول وچ وی اوہ کینیڈین پنجابیاں دی جیون یتھارتھ نوں کیندر وچ رکھ رہا ہے۔نچھتر سنگھ براڑ نوں اتنت خُشی ہے کہ اُس دا ناول "پیپر میرج" ڈھاہاں پرسکار لئی چُنیا گیا ہے۔

2017 Jury Members

Central Jury

Mr. Balraj Cheema (Canada)
Mr. Prem Parkash (India)
Mr. Tauqeer Chugtai (Pakistan)

Professor Raghbir Singh oversaw the adjudication and administration of juries for the 2017 Prize. Professor Raghbir ensured there was just and fair proceedings in relation to the adjudication.

The process was designed initially by Professor Anne Murphy, with advice and guidance from the Prize Advisory Committee,  who designed the process, adjudication and administration of the Prize in its initial form. Professor Murphy’s scholarly experience with Punjabi culture and literature, and with the adjudication and management of literary and book prizes (both in English and Punjabi), coupled with 10 years of experience working with museums and other non-profit organizations on related projects, helped devise a process that would foster engaged and ethical adjudication.